“Бакубат Талас” фонду Кайыңды айыл өкмөтүнүн Арал айылында таза суу маселесин чечүү үчүн 300 миң сом каражат бөлүп берди. Бул каражатка 3.5 км аралыктан айылга суу тарттырып келгенге трубалар жана 5 тонна цемент алынды. Бул трубалар аркылуу 27 түтүн, 150 киши таза суу менен камсыз болмокчу.

Фонд тарабынан Кайыңды айыл өкмөтүнө болгон буга чейинки долбоорлор:

  • Кайынды айылынын Келечек, Бакыт жана Ак-Булак көчөлөрүн бойлогон суу түтүктөрүн орнотуу үчүн материалдарды сатып алуу;
  • Нылды айылынын тургундарын таза суу менен камсыз кылуу үчүн суу түтүктөрүн оңдоо;
  • Нылды айылындагы О.Израилов атындагы орто мектебине жабдууларды сатып алуу жана ашкананын тегерегин тосуу;
  • Сары-Булак айылына кичи футбол аянтчасын куруу үчүн материалдарды сатып алуу;
  • Нылды айылы, О.Израилов атындагы орто мектебинин ашканасын оңдоо;
  • Манас районунун Кайынды айыл аймагынын бала бакчасына эмеректерди, шейшептерди, тиричилик техникаларын жана ашкана идиштерин сатып алуу.